Curso pa maneho propio pa Diabetes Tipo 2

PRISMA ta e curso pa bo!

Registra awor →   Lesa mas

PRISMA

PRISMA ta un programa specialmente pa persona cu diabetes tipo 2 cu kier tuma control di su salud, tin mihor maneho di diabetes y kier preveni otro complicacionnan di salud.

Pa un suma di 25 florin participantenan lo ricibi:

Pa e cursonan di mei, juni y juli participation ta completamente gratis!

PRISMA den 3 minuut

Play e video pa hanja un impresion di PRISMA na 2019

Registra →

Pa mas informacion:
Lesa e preguntanan comun
Contacta nos

Registra awe mes!

Un curso ta consisti di 3 dia di 3 ora cada biaha, parti over di tres siman.
Registra pa e fechanan, orario y localidad cu bo ta desea.
Importante ta cu por acudi na tur 3 dia di curso!

Cursonan lo wordo organisa segun COVID-protocol controla pa DVG y Crisis Team.

Mester di un carta pa trabou?
Tuma contacto cu nos

Siguinte oportunidad

Cursonan addicional lo wordo annuncia pronto.
Registra pa wordo notifica na momento cu tin mas dia y orario disponibel.

Registra →

Diasabra - Merdia

15 + 22 + 29 mei 2021

Di 14:00 pa 17:00 na ImSan (San Nicolas)

Registracion a cera

Diaranson - Atardi

26 mei + 2 + 9 juni 2021

Di 17:30 pa 20:30 na ATIA (Oranjestad)

Registracion a cera

Diasabra - Mainta

29 mei + 5 + 12 juni 2021

Di 09:00 pa 12:00 na Club Kibrahacha (Piedra Plat)

Registracion a cera

Diahuebs - Mainta

3 + 10 + 17 juni 2021

Di 09:00 pa 12:00 na MFA Savaneta

Registracion a cera

Diahuebs - Atardi

1 + 8 + 15 juli 2021

Di 17:30 pa 20:30 na Club Kibrahacha (Piedra Plat)

Registracion a cera

Diasabra - Mainta

3 + 10 + 17 juli 2021

Di 09:00 pa 12:00 na ImSan (San Nicolas)

Registracion a cera

Diasabra - Merdia

3 + 10 + 17 juli 2021

Di 14:00 pa 17:00 na ATIA (Oranjestad)

Registracion a cera

Pregunta Comun

Kico ta PRISMA?!

Lesa mas

PRISMA ta nifica na Hulandes: 'PRo-actieve Interdisciplinaire Self MAnagement educatie', esta Educacion tocante Maneho Propio cu ta Pro-activo y Interdisciplinario. Pro-activo pasobra bo ta participa activamente. Interdisciplinario pasobra diferente dunado di cuido ta traha hunto pa duna e curso aki. Y Maneho Propio kiermen cu nos kier duna bo e conocemento y habilidad necesario pa bo mes scoge con pa anda cu diabetes. Tambe con bo mes por influencia e factornan di riesgo pa asina preveni otro complicacionnan di salud riba termino largo.

PRISMA ta un programa diseña door di Amsterdam UMC basa riba e filosofia di e programa Ingles DESMOND, cual ta wordo ofreci rond mundo pa yuda esnan cu diabetes tipo 2 tuma maneho di nan salud.

PRISMA Aruba a wordo desaroya door di Fundacion Diabetes Aruba den colaboracion cu Amsterdam UMC y ta wordo sosteni door di Departamento di Salud Publico (DVG) y Pan American Health Organization (PAHO).

Pa ken PRISMA ta?

Lesa mas

PRISMA ta pa cada persona diagnostica cu Diabetes tipo 2, cu ta motiva pa tuma control di e malesa door di influencia e factornan di riesgo y preveni otro complicacionnan di salud.

PRISMA ta pa e persona recien diagnostica te cu e persona cu ta biba cu diabetes pa algun aña of asta algun decada.

Pa registra pa un curso di PRISMA click aki of tuma contacto cu bo dokter (di cas), enfermera diabetico, “praktijkondersteuner” of otro dunador di cuido y yena e formulario di registracion.

Kico un curso ta encera?

Lesa mas

PRISMA ta wordo duna den grupo chikito di mas o menos 10 persona cu nan pareha of miembro di famia, den un ambiente trankil y amabel. Den grupo chikito bo ta sinti bo mas comodo y ta placentero pa topa cu hende cu tambe ta purba maneha nan diabetes. Bo por siña di otro, yuda otro y comparti idea den e encuentronan.

Un curso ta consist di 3 dia di 3 ora cada biaha, cu un siman di interval entre cada dia di curso.
Contenido di cada dia ta consisti di actividadnan den grupo y individual unda bo ta wordo invita pa pensa y dialoga activamente. Pa asina bo ta miho prepara pa tuma decision pa un bon cuido di bo propio salud.

Durante PRISMA bo ta:

  • Ricibi contesta riba bo preguntanan,
  • Haya mas conocemento y abilidad practico,
  • Wordo stimula y apoya pa haci decision mas saludabel cu ta yuda baha e riesgo pa malesa di curason y ader,
  • Papia di bo preocupacionnan y busca diferente manera pa haya yudansa cu bo diabetes.

E encuentronan ta wordo guia pa 2 dunado di cuido den e ramo di diabetes cu ta specialisa den duna curso segun e filosofia di PRISMA. E dunado di cuido por ta un enfermera diabetico, dietista, fisioterapista, boticario, “praktijkondersteuner” y/of un dokter (di cas). E dunadonan di cuido aki t’ey pa yuda bo, pa amplia bo conocemento y mustra bo e opcionnan pa keda saludabel.

Kico ta e gasto envolvi?

Lesa mas

Participacion na PRISMA ta costa afl. 25,=. Esaki ta inclui:

  • 3 dia di curso interactivo
  • Mas conocemento, habilidad y inspiracion pa tuma control di bo salud
  • Un ambiente trankil y amabel pa comparti experiencia y siña di otro
  • Guia di dos profesional di salud
  • Map cu informacion y tools addicional
  • Plan di accion personal
  • Participation gratis di un partner of miembro di famia como sosten
  • Certificado di participation

Pago por wordo haci na comienso di e curso (cash) of via online bank transfer (RBC: 31312383, t.n.v. Stichting Arubaanse Diabetici) mencionando e nomber completo y fecha di curso cu a registra pé. Por fabor trece e comprobante di e pago na e prome dia di curso.

Contacto

Pa cualkier pregunta por tuma contacto cu Fundacion Diabetes Aruba via:

566-5045 info@fdaruba.com Facebook