Prisma Aruba


Curso pa maneho propio pa Diabetes Tipo 2

  • Abo tin Diabetes tipo 2
  • Kier influencia e riesgonan
  • Ta motiva pa tuma responsabilidad

PRISMA

PRISMA ta nifica na Hulandes”: ‘PRO-actieve Interdisciplinaire Self MAnagement educatie’, esta Educacion tocante Maneho Propio cu ta Pro-activo y Interdisciplinario. Pro-activo pasobra bo ta participa activamente. Interdisciplinario pasobra diferente dunado di cuido ta traha hunto pa duna e curso aki. Y Maneho Propio kiermen cu nos kier duna bo e responsabilidad pa bo mes scoge con pa anda cu diabetes. Tambe con bo mes por influencia e factornan di riesgo pa asina preveni e posibilidad di haya problema riba termino largo.

Encuentro

PRISMA ta wordo duna den grupo chikito di mas o menos 10 persona cu nan pareha of miembro di famia, den un ambiente trankil y amabel. Den grupo chikito bo ta sinti bo mas comodo y ta placentero pa topa cu hende cu ta den mesun situacion cu bo. Bo por siña di otro, yuda otro y comparti idea den e encuentronan.

E encuentronan ta wordo guia pa 2 dunado di cuido, cu ta e trainernan. Esaki por ta un enfermera diabetico, dietista, fisioterapista, boticario, “praktijkondersteuner” y/of un dokter (di cas).

E trainernan t’ey pa yuda bo, pa amplia bo conocemento y mustra bo e opcionnan pa keda saludabel.

Contenido

Contenido di PRISMA ta wordo crea a base di e actividadnan di grupo unda bo ta wordo invita pa pensa y dialoga activamente. Duracion di e encuentronan ta dos mita dia (4 ora) durante dos siman. Despues di e dos encuentronan bo ta miho prepara pa tuma decision pa un bon cuido di bo propio salud.

Durante PRISMA bo ta;

Pa ken PRISMA ta?

Cada persona diagnostica cu Diabetes tipo 2, cu ta motiva pa tuma responsibilidad di e malesa y influencia e factornan di riesgo.

Pa aplica na PRISMA por tuma contacto cu bo dokter (di cas), enfermera diabteco, “praktijkondersteuner” of otro dunador di cuido y yena e formulario di aplicacion.

Gasto envolvi pa participa na PRISMA ta solamente Afl. 50,=. Esaki ta inclui e encuentro di dos mita dia durante dos siman, buki di informacion y un plan di accion.

Pago por wordo haci adelanta na IBiSA Oranjestad (cash) unda lo ricibi un comprobante di pago, na comienso di e curso (cash) of via online bank transfer (RBC: 31312383, t.n.v. Stichting Arubaanse Diabetici) mencionando e nomber completo y fecha di curso cu a registra pé.


Contacto

Pa cualkier pregunta por tuma contacto cu Fundacion Diabetes Aruba via:

PRISMA ta un programa diseña door di Amsterdam UMC basa riba e filosofia di e programa DESMOND, cual ta wordo uza rond mundo pa yuda diabetico cu e maneho propio.
PRISMA Aruba ta un projecto piloto di Fundacion Diabetes Aruba den colaboracion cu Amsterdam UMC, Universidad di Aruba y ta wordo financia pa CEDE Aruba.